విజయ్ దేవరకొండ బర్త్ డే స్పెషల్.. ‘ఖుషి’ నా రోజా నువ్వే ఫస్ట్ సింగిల్ రిలీజ్..

దిశ, వెబ్ డెస్క్: టాలీవుడ్ స్టార్ హీరోయిన్ సమంత, విజయ్ దేవరకొండ జంటగా నటిస్తున్న చిత్రం ‘ఖుషి’. ఈ సినిమాకు శివ నిర్వాణ దర్శకత్వం వహిస్తున్నాడు. ఈ చిత్రం నుంచి ఇప్పటికే విడుదలైన పోస్టర్స్ భారీ అంచనాలను పెంచేశాయి. తాజాగా, ఈ రోజు రౌడీ హీరో విజయ్ దేవరకొండ బర్త్ డే సందర్భంగా ఖుషి సినిమా ఫస్ట్ సింగిల్‌ను విడుదల చేశారు. ఈ విషయాన్ని విజయ్ ట్విట్టర్ వేదికగా షేర్ చేస్తూ ‘‘ఫుల్ ప్రేమ’’ అంటూ లవ్ సింబల్‌ను జత చేశాడు. నా రోజా నువ్వే అంటూ సాగే మెలోడీ సాంగ్‌లో విజయ్, సామ్ క్రెమిస్ట్రీ ప్రేక్షకులను ఆకట్టుకుంటుంది. హేషమ్ అబ్దుల్ ఈ పాటను స్వయంగా ఆలపించాడు. ఈ పాటకు శివ నిర్వాణ సాహిత్యం అందించడం విశేషం. ముస్లింగా సమంత ఆకట్టుకుంటుంది. ఇక కాశ్మీర్‌ అందాలను కూడా ఈ పాటలో చూపించారు. సెప్టెంబ‌ర్ 1న ఈ సినిమా పాన్ ఇండియ‌న్ లెవెల్‌లో తెలుగు, హిందీతో పాటు ఇత‌ర భాష‌ల్లో రిలీజ్ కానుంది.